Vísindi

sköpun mannvæns umhverfis með hjálp vísinda

Útgangspunktur ENVALYS er ætíð vísindaleg áhersla á samspil fólks og umhverfis. Á það jafnt við um þekkingarsköpun gegnum rannsóknir og kannanir eða hagnýtingu vísindalegrar þekkingar.
Umhverfissálfræðin er lykilþáttur í starfsemi ENVALYS og felur nálgun okkar í sér samþættingu tölvugerðs 3D umhverfis, sýndarveruleika og vísindalegra aðferða til að kortleggja upplifun, líðan, tilfinningar, viðhorf, atferli og reynslu á öllum stigum hönnunar- og skipulagsverkefna.

Vísindalegar rannsóknir sýna svart á hvítu fram á andleg, líkamleg og félagsleg áhrif umhverfis á okkur, óháð því hver við erum, hvar við erum, með hverjum við erum og hvað við gerum.

ENVALYS vinnur jafnt með opinberum aðilum sem einkareknum að því að hanna, skipuleggja og móta framtíð sem styður andlega og líkamlega velferð einstaklinga og samfélagsins í heild sinni.

Þessu markmiði náum við með því að:

01

Skapa og hagnýta vísindalega þekkingu og aðferðafræði í skipulags- og hönnunarverkefnum í þeim tilgangi að kortleggja samspil fólks og umhverfis, hvort sem um náttúru eða manngert umhverfi er að ræða. Þannig má byggja heilbrigðara samfélag til framtíðarinnar.

02

Búa til hugbúnaðarlausnir og verkfæri, líkt og VRTerrain, sem skapar lifandi, gagnvirk 3D umhverfi sem sýna hönnun, skipulag og samfélag framtíðarinnar.

Rannsóknir

Sjálfbærar borgir framtíðarinnar

Sjálfbærar borgir framtíðarinnar (e. Cities That Sustain Us) er heitið á rannsóknarhluta ENVALYS en fyrirtækið var stofnað á grunni alþjóðlegs rannsóknar- og þrónuarverkefnis sem ber þetta sama heiti. Upphaflega var verkefnið sett á laggirnar innan Háskólans í Reykjavík árið 2013 og þá í samstarfi við Uppsala-háskóla í Svíþjóð, Reykjavíkurborg, Djúpavogshrepp og TGJ hönnun – ráðgjöf – rannsóknir.

Á árnum 2014-2022 nutu verkefnið Sjálfbærar borgir framtíðarinnar og ENVALYS styrkja frá Rannsóknarsjóði Íslands (2014-2016) og Tækniþróunarsjóði (2017-2019; 2020-2021; 2021-2022).

Meginmarkmið Sjálfbærra borga framtíðarinnar eru:

01

Að gera vísindalegar rannsóknir og úttektir á upplifun fólks á umhverfinu til eflingar þekkingar og aukins skilnings.

02

Að þróa hugbúnað og lausnir sem auðvelda rannsóknir og úttektir á samspili fólks og umhverfis.

03

Að þróa aðferðafræði þar sem þekking á samspili fólks og umhverfis er hagnýtt í hönnun og skipulagi.

Blöndun áþreifanlegrar og stafrænnar upplifunar

Vindmyllur við Lagarfoss

Sjálfvirk loftmyndgreining

Sýndarfólk í rannsóknum á borgarskipulagi

Borgarsjá II

Borgarsjá I

Vogabyggð I

Sýndarstökk vs akstur eftir ákveðinni leið

Birtingar

Skýrslur ENVALYS

Ritrýndar greinar

Ritrýnd erindi á ráðstefnum

Páll Jakob Líndal (2022). Áhrif umhverfis á heilsu og líðan. Læknadagar 2022 (Reykjavik. 21. mars).
Lindal, P.J. (2021). Virtual Reality for Restorative Design. CEP - Conference for Environmental Psychology 2021. (Lillehammer, Noregi. 18. - 19. nóvember).
Lindal, P.J., Hartig, T., Johannsdottir, K. R., & Vilhjalmsson, H. (2019). Future cities: Using virtual technology to design restorative residential neighborhoods, The International Conference on Environmental Psychology (ICEP) 2019 (Plymouth, Stóra-Bretlandi. 4. - 6. september).
Lindal, P.J., Miri, H., Johannsdottir, K. R., Hartig, T. & Vilhjalmsson, H. (2016). Testing the Restorative Potential of Future Urban Environments Using VR Technology – The Cities that Sustain Us Project, The 24th Annual Conference of the International Association for People-Environment Studies (IAPS24) (Lundur/Alnarp, Svíþjóð. 27. júní - 1. júlí).
Páll Jakob Líndal (2016). Líðan fólks í þéttbýli framtíðarinnar könnuð með sýndarveruleika. Sálfræðiþing 2016 (Reykjavik, 8. apríl).
Páll Jakob Líndal, Kamilla Rún Jóhannsdóttir, Hossein Miri, Unnar Kristjánsson, Terry Hartig og Hannes Högni Vilhjálmsson (2015). Líðan þéttbýlisíbúa könnuð með hjálp sýndarveruleika. 17. ráðstefnan í líf- og heilbrigðisvísindum í Háskóla Íslands (Reykjavik, 12. nóvember).